ក្រុមការងាររបស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា លោកវេជ្ជបណ្ឌិត ចាន់ តារា បានចុះផ្សព្វផ្សាយចំណេះដឹងអំពីជំងឺទឹកនោមផ្អែម និងផលវិបាកនៃជំងឺដល់សិស្សានុសិស្សនៅវិទ្យាល័យត្រពាំងប្រាសាទ ស្រុកត្រពាំងប្រាសាទ ខេត្តឧត្ដរមានជ័យ។ ការផ្សព្វផ្សាយនេះ ក្នុងគោលបំណងដើម្បីឱ្យសិស្សានុសិស្សទាំងអស់យល់ដឹង និងចេះការពារខ្លួន កុំឱ្យកើតជំងឺ ទឺកនោមផ្អែមតាំងពីវ័យក្មេង។
ជំងឺទឹកនោមផ្អែមជាជំងឺមិនឆ្លង ដែលបង្កឱ្យអ្នកជំងឺមានគ្រោះថ្នាក់ដោយស្ងៀមស្ងាត់។ ដើម្បីចូលរួមកាត់បន្ថយអត្រាគ្រោះថ្នាក់ដែលបង្កឡើងពីជំងឺទឹកនោមផ្អែម ទាមទារឱ្យមានការយកចិត្តទុកដាក់ ការពន្យល់បានក្បោះក្បាយពីគ្រូពេទ្យជំនាញទៅដល់អ្នកជំងឺអំពីទិសដៅនៃការព្យាបាល របបអាហារ និងអត្ថប្រយោជន៍នៃការហាត់ប្រាណជាដើម។ លើសពីនេះទៅទៀត សៀវភៅជំនួយស្មារតីសម្រប់អ្នកជំងឺ និងវីដេអូអប់រំក្នុងទូរសព្ទដៃពិតជាមានសារៈសំខាន់សម្រាប់ជំនួយបន្ថែមនៅផ្ទះ ដើម្បីឱ្យអ្នកជំងឺអាចយល់ដឹងបានកាន់តែច្បាស់ពីជំងឺរបស់ខ្លួន។ លោកស្រីវេជ្ជបណ្ឌិត អ៊ាម សេរីរដ្ឋ ឯកទេសជំងឺទឹកនោមផ្អែម និងជំងឺក្រពេញអរម៉ូន ដែលបម្រើការនៅមន្ទីរពេទ្យបង្អែកខេត្តសៀមរាបបានអប់រំអ្នកជំងឺទឹកនោមផ្អែម ដោយផ្អែកលើឯកសារយោង «សៀវភៅជំនួយស្មារតីសម្រាប់អ្នកជំងឺទឹកនោមផ្អែម» របស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា ។
កាលពីរសៀលថ្ងៃទី១១ ខែមិថុនា ឆ្នាំ២០២៤ សមាគមបច្ចេកវិទ្យា ទឹកនោមផ្អែម និងក្រពេញកម្ពុជា (CADET) និងអង្គការសកម្មភាពដើម្បីជំងឺទឹកនោមផ្អែម (Action4Diabetes) បានចុះអនុស្សរណៈយោគយល់គ្នា ដើម្បីបញ្ជ្រាបចំណេះដឹង និងផ្ដល់ព័ត៌មានទាក់ទងនឹងជំងឺទឹកនោមផ្អែមប្រភេទទី១ សម្រាប់អ្នកជំងឺទឹកនោមផ្អែមនៅកម្ពុជា។ កិច្ចសហការគ្នារវាងស្ថាប័នទាំងពីរនេះ ធ្វើឡើងក្នុងគោលបំណងសំខាន់បំផុតដើម្បីបង្កើនការអប់រំផ្នែកសុខភាព ជាពិសេសបញ្ជ្រាបចំណេះដឹងទាក់ទងនឹងជំងឺទឹកនោមផ្អែមប្រភេទទី១ ឱ្យកាន់តែទូលំទូលាយថែមទៀតដល់សាធារណជន។ ការបញ្ជ្រាបចំណេះដឹងទាក់ទងនឹងជំងឺទឹកនោមផ្អែមតាមបែបឌីជីថល ពិតជាមានសារៈសំខាន់ និងបង្កលក្ខណៈងាយស្រួលសម្រាប់អ្នកជំងឺទឹកនោមផ្អែមក្នុងការស្វែងរកព័ត៌មានពាក់ព័ន្ធនានា។
ក្រុមការងាររបស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា មន្ត្រីសុខាភិបាលខណ្ឌសែនសុខ និងអង្គការ RACHHAR បានចុះពិនិត្យសុខភាព និងចែករំលែកចំណេះដឹងអំពីជំងឺទឹកនោមផ្អែមដល់ប្រជាពលរដ្ឋនៅសង្កាត់ឃ្មួញ ខណ្ឌសែនសុខ រាជធានីភ្នំពេញ។
ក្រុមការងាររបស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា បានចុះផ្សព្វផ្សាយ និងចែករំលែកចំណេះដឹងអំពីជំងឺទឹកនោមផ្អែម ដល់ប្រជាពលរដ្ឋនៅខេត្តឧត្ដរមានជ័យ។
ក្រុមការងាររបស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា បានចុះផ្សព្វផ្សាយ និងចែករំលែកចំណេះដឹងអំពីការបង្ការជំងឺទឹកនោមផ្អែម ដល់សិស្សានុសិស្សវិទ្យាល័យហ៊ុនសែនសំពងជ័យ ស្ថិតនៅឃុំសំពងជ័យ ស្រុកជើងព្រៃ ខេត្តកំពង់ចាម។
ក្រុមការងាររបស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា បានចុះផ្សព្វផ្សាយ និងចែករំលែកចំណេះដឹងអំពីផលវិបាករបស់ជំងឺទឹកនោមផ្អែម រយៈពេលយូរ ដល់សិស្សានុសិស្សអនុវិទ្យាល័យថៃសូ ស្ថិតនៅភូមិសណ្តាន់ សង្កាត់ទឹកវិល ក្រុងសៀមរាប ខេត្តសៀមរាប។
ក្រុមការងាររបស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា បានចុះអប់រំសុខភាព ស្តីពីការការពារជំងឺទឹកនោមផ្អែម តាមរយៈចំណីអាហារ សកម្មភាពប្រចាំថ្ងៃ និងផ្ដល់ជូននូវសៀវភៅអប់រំអំពីជំងឺទឹកនោមផ្អែម ដល់លោកគ្រូ អ្នកគ្រូ សិស្សានុសិស្ស និងសម្រាក់ដាក់ក្នុងបណ្ណាល័យ នៅសាលាបឋមសិក្សាអង្គ្រង និងអនុវិទ្យាល័យម្រះព្រៅ ឃុំជ្រៃ ស្រុកមោងឫស្សី ខេត្តបាត់ដំបង។
សន្និសីទពាក់កណ្តាលឆ្នាំលេីកទី២ របស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា ស្ដីពី «នវានុវត្តន៍ក្នុងការដោះស្រាយជំងឺខ្សោយតម្រងនោម ចំពោះអ្នកជំងឺទឹកនោមផ្អែម» បានប្រព្រឹត្តទៅដោយរលូន នាថ្ងៃសៅរ៍ ៤រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២៧ ខែមេសា ឆ្នាំ២០២៤។
សិក្ខាសិលាស្ដីពី «ទឹកនោមផ្អែម និងបច្ចេកវិទ្យា» សមាគមបច្ចេកវិទ្យា ទឹកនោមផ្អែម និងក្រពេញកម្ពុជា មានកិត្តិយសជម្រាបជូនលោក លោកស្រីវេជ្ជបណ្ឌិត និងនិស្សិតទាំងអស់ ជ្រាបថាសមាគមនឹងរៀបចំសិក្ខាសិលាស្ដីពី «នវានុវត្តន៍ក្នុងការដោះស្រាយជំងឺទឹកនោមផ្អែម» តាមរយៈ Zoom Meeting នៅថ្ងៃទី២៩ ខែមីនា ឆ្នាំ២០២៤ វេលាម៉ោង ១៧:០០នាទីល្ងាច ត្រូវនឹងម៉ោង១១:០០នាទី ថ្ងៃត្រង់ នៅទីក្រុងប៉ារីស ប្រទេសបារាំង។ ក្នុងសិក្ខាសាលានេះ មានការអញ្ជើញចូលរួមពីវាគ្មិនអន្តរជាតិ ចំនួន ០២រូប ជាអ្នកឯកទេសជាន់ខ្ពស់ប្រទេសបារាំង គឺលោកវេជ្ជបណ្ឌិត FRANÇOIS Moreau និងលោកសាស្ត្រចារ្យ MICHAEL Joubert ជាមួយគ្នានេះក៏មានវាគ្មិនជាតិផងដែរ គឺលោកវេជ្ជបណ្ឌិត ស៊ុ សត្ថា ដែលនឹងធ្វើបទបង្ហាញអំពីបច្ចុប្បន្នភាពថ្នាំគ្រាប់ក្នុងការព្យាបាលជំងឺទឹកនោមផ្អែមប្រភេទទី២។ អាស្រ័យហេតុនេះ សូមលោក លោកស្រីវេជ្ជបណ្ឌិត និងនិស្សិតទាំងអស់ អញ្ជើញចូលរួមតាមការគួរ។ សូមស្គែន QR Code ដើម្បីចូលរួមក្នុងកម្មវិធីសិក្ខាសាលា៖