ថ្ងៃទី៣៖ ទិវាជាតិវិទ្យាសាស្ដ្រ បច្ចេកវិទ្យា និងនវានុវត្តន៍ ឆ្នាំ២០២៤
ថ្ងៃទី៣ នៃទិវាជាតិ «វិទ្យាសាស្ត្រ បច្ចេកវិទ្យា និងនវានុវត្តន៍» សមាគមបច្ចេកវិទ្យា ទឹកនោមផ្អែម និងក្រពេញកម្ពុជា បន្តចូលរួមចែករំលែកចំណេះដឹងអំពីជំងឺទឹកទឹកនោមផ្អែម ជូនដល់ក្មួយៗសិស្សានុសិស្ស និស្សិត ភ្ញៀវជាតិ និងអន្តរជាតិ។ វឌ្ឍនភាព និងបរិវត្តកម្មនៃបច្ចេកវិទ្យា គឺជាកាតាលីករដ៏សំខាន់ក្នុងយុគសម័យឌីជីថល ដែលធ្វើឱ្យមានភាពប្រសើរឡើងគ្រប់វិស័យ ជាពិសេសនោះ គឺចូលរួមចំណែកក្នុងការបញ្ជ្រាបចំណេះដឹង និងការព្យាបាលជំងឺទឹកនោមផ្អែម ដែលកត្តាទាំងនេះ បានផ្ដល់អត្ថប្រយោជន៍ដល់វេជ្ជបណ្ឌិតឯកទេស និងអ្នកជំងឺទឹកនោមផ្អែមផងដែរ។ កម្មវិធីនេះ ប្រព្រឹត្តិទៅចាប់ពីថ្ងៃទី២៤ ដល់ថ្ងៃទី២៦ ខែមីនា ឆ្នាំ២០២៤ នៅមណ្ឌលសន្និបាត និងពិព័រណ៍កោះពេជ្រ។
